كارمه‌ندێكی شاره‌وانی كه‌ركوك به‌چه‌قۆ كوژرا

كارمه‌ندێكی به‌شی زیاده‌ڕۆیی شاره‌وانی كه‌ركوك به‌چه‌قۆ كوژرا.

له‌و ڕووه‌وه‌ سه‌رچاوه‌یه‌ك له‌نه‌خۆشخانه‌ی ئازدی فێركاریی پێی ڕاگه‌یاندین، شه‌وی ڕابردوو ته‌رمی (ئه‌حمه‌د موحسن حه‌مزه‌) كه‌كارمه‌ندی شاره‌وانی كه‌ركوكه‌، گه‌یه‌ندراوه‌ته‌وه‌ پزیشكی دادی نه‌خۆشخانه‌كه‌، كه‌ئاسهوای چه‌قۆ به‌جه‌سته‌یه‌وه‌ دیاربووه‌.

ئاماژه‌ی به‌وه‌شكرد، سێ كه‌س كه‌له‌گه‌ڵ قوربانییه‌كه‌بوونه‌ ڕاگیراون به‌مه‌به‌ستی لێكۆڵینه‌وه‌ له‌گه‌ڵیانداو، به‌پێی وته‌ی شایه‌تحاڵه‌كانیش نه‌توانراوه‌ تاوانباره‌كان ده‌ستگیربكرێن.