لە هەولێر گەنجێک به‌ ته‌قه‌ كوژرا

لە هەولێر گەنجێک كوژرا

پێشنیوەڕۆی رۆژی سێشەممە لە گەڕەکی زانیاریی هەولێر تەقە لە گەنجێک دەکرێت و بریندار دەکرێت دواتر لە نەخۆشخانە گیانلەدەستدەدات ، پۆلیسی هەولێر رایگەیاند دوو کەس تەقەیان لە گەنجەکە کردووە و دوای رووداوەکەش خۆیان رادەستی هێزەکانی پۆلیس کردووە. 
 رووداوەکە سەعات 10:00ی بەیانی لە گەڕەکی زانیاری و نزیک شوقەکان روویداوە پۆلیسی هەولێر دەڵێت تاوەکو ئێستا هۆکاری کوژرانی گەنجەکە دیار نییە و تیمەکانیان لە لێکۆڵینەوەدان بۆ گەیشتن هۆکاری راستیی رووداوەکە و راشبگەیاند کوژراوەکە ناوی (بارزان رەمەزان حوسێن)ـە و تەمەنی 32 ساڵە.