ئەمڕۆ سێشەممە27-9-2022، هێزی دەریایی ئەمریکا، ده‌ستبه‌سه‌رداگرتنی بارێکی هێرۆینی لەناو کەشتییەکی ماسیگرتن لە کەنداوی عومان ڕاگەیاند کە بەهاكه‌ی نزیکەی ٨٥ ملیۆن دۆلاره .
له‌و باره‌یه‌وه، كه‌شتیگه‌لی پێنجه‌م له هێزی ده‌ریایی سوپای ئه‌مریكا، لە هەژماری خۆی لە تویتەر رایگەیاندوە، " ئۆپەراسیۆنەكه گه‌وره‌ترین ئۆپراسیۆنی روبه‌ڕووبونه‌وه‌ی مادده‌هۆشبه‌ره‌كانه كه‌له‌لایه‌ن هێزی ده‌ریایی ئه‌مریكا له رۆژهه‌ڵاتی ناوه‌ڕاست ئه‌نجامدرابێت.
هاوكات براد کوپەر، فەرماندەی فەرماندەیی ناوەندی هێزەکانی دەریایی و كه‌شتیگه‌لی پێنجەمی هێزی دەریایی ئه‌مریكا، وتی: ئەم ئۆپەراسیۆنە پابەندبوونی قووڵی هاوبەشە نێودەوڵەتییەکانمان نیشان دەدات بۆ په‌كخستن و ڕێگریکردن لەو ره‌فتارانه‌ی كه ده‌بنه‌هۆی ناسەقامگیریی لە ناوچەکەدا.
Copyright © 2020 Kirkuk Tv All Rights Reserved Designed And Developed By AVESTA GROUP