ماڵپەری شەفافیەت داھاتی ئەمڕۆ یەکشەممە ١٨ی کانونی یەکەم لە پارێزگای سلێمانی و ھەڵەبجە و ئیدارەکانی گەرمیان و ڕاپەرین بڵاوكرده‌وه كه،" شەش ملیارو ٢٧٣ ملیۆن دینار" بووە.
زۆرترین داھاتش لە گەنجینەی دووی سلێمانی بووە کە پێنج ملیار دینار بووە، و گەنجینەی یەکیش ٤١٤ ملیۆن دینارو گەنجینەی ڕاپەرین ٢٢١ ملیۆن دینار بووە.
ھەروەھا گەنجینەی گەرمیان ٦٧ ملیۆن و گەنجینەی چەمچەماڵ ٣٦ ملیۆن و گەنجینەی ھەڵەبجە ١٢ ملیۆن دینار بووە.
بەپێی ماڵپەری شەفافیەت ڕۆژانە سەرجەم داھاتی نانەوتی پارێزگای سلێمانی و ھەڵەبجەو ئیدارەی گەرمیان و ڕاپەرین بە وردەکاریەوە دەخرێتە ڕوو کە تێیدا داھاتی کۆکراوەی فەرمانگەو بەڕێوەبەرایەتییەکانی سلێمانی ئاشکرا دەکرێت.
ماڵپەری شەفافیەت لە شەش گەنجینەو ٢٧ وەزارەت و دەستەو ٦٠٠ فەرمانگە پێکھاتووە، ئەمەش ھەوڵێکە بۆ شەفافکردنی داھاتەکانی سنوری پارێزگای سلێمانی و ھەڵەبجەو ئیدارەکانی راپەرین و گەرمیان.
Copyright © 2020 Kirkuk Tv All Rights Reserved Designed And Developed By AVESTA GROUP