وه‌زاره‌تی ناوخۆ: هه‌ر بازرگانێك نرخ گران بكات به‌توندترین شێوه‌ سزاده‌درێت

عێراق
14:36 - 2023-03-03

عه‌مید حسێن ته‌میمی، به‌ڕێوبه‌ری ئۆپه‌راسیۆنه‌كانی تاوانی ڕێكخراو له‌ وه‌زاره‌تی ناوخۆی عێراق رایگه‌یاند، هه‌ركه‌سێك ئاسایشی خۆراك تێكبدات و نرخی خۆراك زیاد بكات سزا ده‌درێت.

ئاماژه‌ی به‌وه‌كرد:"  به‌ڕێوه‌به‌رایه‌تی به‌ره‌نگاربونه‌وه‌ی تاوانی ڕێكخراو له‌ چوارچێوه‌ی یاسای پاراستنی به‌كاربه‌رانی عێراقدا كارده‌كات، كه‌ له‌لایه‌ن ده‌سه‌ڵاتی دادوه‌ری و یاسادانه‌ری عێراقه‌وه‌ ده‌رچوه‌، سزاكانیش له‌ نێوان غه‌رامه‌كردن و زیندانیكردندا دیاریكراون، كه‌ له‌ 250 هه‌زار دیناره‌وه‌ ده‌ستپێده‌كات و ده‌گاته‌ 15 ملیۆن دینار، هه‌روه‌ها سزای زیندانیكردنیش ده‌گاته‌ پێنج ساڵ بۆ ئه‌وانه‌ی سه‌رپێچی یاسا ده‌كه‌ن.

باسی له‌وه‌شكرد، هه‌ماهه‌نگی له‌ نێوان وه‌زاره‌ته‌كانی ناوخۆ و كشتوكاڵدا هه‌یه‌ بۆ چاودێریكردنی نرخه‌كان له‌ بازاڕه‌كاندا و لێپرسینه‌وه‌ له‌و كه‌سانه‌ی ئاسایشی خۆراك تێكده‌ده‌ن.

رونیشیكرده‌وه‌، وه‌زاره‌تی ناوخۆ هێڵێكی ته‌له‌فۆنی به‌ ژماره‌ 144 بۆ سكاڵاكان دیاریكردوه‌و په‌یوه‌ندیكردن به‌ خۆڕاییه‌ و ناسنامه‌ی ئه‌و كه‌سه‌ی په‌یوه‌ندیده‌كات به‌ نهێنی ده‌هێڵدرێته‌وه‌.



بابەتی لێکچو

Copyright © 2020 Kirkuk Tv All Rights Reserved Designed And Developed By AVESTA GROUP