موهند عەلی ڕوودەكاتە ئەوروپا

یەكێك لە هێرشبەرە دیارەكانی هەڵبژاردەی عیراق گەشتی ووڵاتی تایلەندی نەكردوەو بەشداری لەو پاڵەوانێتییە دۆستانەیە ناكات، ئەویش بەهۆی تەوا كردنی رێكارەكانی و پەیوەندی كردن بە یانەیەكی خولی نایابی كیشوەری ئەوروپاوە.. لەو بارەیەوە سەرچاوەیەكی هەواڵی ئاشكرای كردوە موهەننەد علی هێرشبەری هەڵبژاردەی عیراق گەشتی ووڵاتی سڕبیای كردوە ئەویش بە مەبەستی ئیمزاكردنی بۆندە نوێیەكەی لەگەڵ یەكێك لە یانە نایابەكانی خولی سڕبیا.. پێشتر سەرچاوەكانی هەواڵی باسیان لەوە دەكرد كە موهەننەد عەلی ناسراو بە میمی نزیكە لە پەیوەندی كردن بە یانەی ڤیاڕیاڵی ئیسپاینەوە.. بەڵام لە كۆتاییدا ئەو پرسە سەری نەگرت، دواتر یانەی دحێلی قەتەری بە یەكجارەی دەستبەرداری ئەو هێرشبەر عیراقیە بوو، لە ئێستاشدا بە شێوەیەكی سەربەستانە پەیوەندی بە یەكێك لە یانەكانی خولی یانە پلە نایابەكانی سڕبیاوە دەكات