بەرێوەبەرایەتی پۆلیسی سۆران رایگەیاند : هاوڵاتییەک سکاڵای لەسەر کەسێک تۆمارکردووە کە ئەکاونتی فەیسبوکەکەی هاککراوە وچەندین هەڕەشەی مەترسیداری لێکراوە
ئاماژەی بەوەشدا، دەستبەجێ تیمە کانی نەهێشتنی تاوانی سۆران توانییان سەرەداوی هاککەرەکە دەستنیشان بکەن و پاشان هەوڵەکان چڕکرانەوە لەلایەن تیمە تەکنیکییەکانی نەهێشتنی تاوانی سۆرانەوە توانرا ناسنامەی تۆمەتبارەکە ئاشکرابکرێت و لە رۆژی ١٩-٩-٢٠٢٣ دا دەستگیر بکرێت.
پۆلیسی سۆران ئەوەشی ئاشکراکرد، تۆمەتبارەکە ناوی (س،م،م) لەدایکبووی ٢٠٠٦ دانیشتووی قەزای سۆرانە.
هاوکات ئەوەشی خستەڕوو، دوای لێکۆڵینەوە لە گەڵ تۆمەتبارەکە دانی بەتاوانەکەیدا ناوە کەژمارەیەکی زۆر لە خەڵکی لە تۆڕە کۆمەڵایەتییەکان هاککردووە و ئامانجی لەم تاوانە بەدەستخستنی پارە بووە.
پۆلیسی سۆران راشیگەیاند، لە ئێستادا تۆمەتبارەکە بەپێی ماددەی ٢ لە یاسای خراپ بەکارهێنانی ئامێرەکانی پەیوەندیکردن راگیراوە و لێکۆڵینەوە لەگەڵی بەردەوامە.
Copyright © 2020 Kirkuk Tv All Rights Reserved Designed And Developed By AVESTA GROUP