به‌ر له‌ كۆبوونه‌وه‌ی ئۆپیك پڵه‌س نرخی نه‌وت به‌رزبووه‌وه‌

به‌ر له‌كۆبوونه‌وه‌ی ئه‌مڕۆ رێكخراوی ئۆپیك پڵه‌س نرخی نه‌وتی برێنت به‌رزبووه‌وه‌، به‌شێوه‌یه‌ك ئه‌مڕۆ نرخی یه‌ك به‌رمیل نه‌وتی برێنت له‌ بازارەكانی جیهاندا شه‌ش سه‌نت به‌رزبووه‌وه‌ و گه‌یشته‌ ٩٠ دۆلار و ٩٨ سه‌نت، نرخی نه‌وتی ته‌كساسیش ١١ سه‌نت زیادیكرد و به‌ ٨٩ دۆلارو ٣٤ سه‌نته‌وه‌ مامه‌ڵه‌ی پێوه‌كراوه‌. 

به‌رزبوونه‌وه‌ی نرخی نه‌وت به‌هۆی كۆبوونه‌وه‌ی لیژنه‌ی وزاری رێكخراوی ئۆپیك پڵه‌سه‌، كه‌ بڕیاره‌ ئه‌مڕۆ كۆببنه‌وه‌ و چاوه‌ڕوانده‌كرێت له‌سه‌ر هه‌مان سیاسه‌تی به‌رهه‌مهێنان بمێننه‌وه‌ به‌بێ گۆڕانكاری. 

ئه‌وه‌ش دوای ئه‌وه‌ی سعودیه‌ و روسیا كه‌ ئه‌ندامی ئۆپیك پڵه‌سن و دوو به‌رهه‌مهێنه‌ری سه‌ره‌كی ئه‌و رێكخراوه‌ن، كه‌مكردنه‌وه‌ی به‌رهه‌مهێنانیان تا كۆتایی ئه‌مساڵ درێژكرده‌وه‌