سه‌رۆك كۆمارو پاپای ڤاتیكان جه‌خت له‌ پته‌وكردنی ئاشتیی ده‌كه‌نه‌وه‌

دكتۆر له‌تیف ره‌شید سه‌رۆك كۆماری عێراق، له‌ چوارچێوه‌ی سه‌ردانه‌كه‌ی بۆ ڤاتیكان له‌گه‌ڵ پاپای ڤاتیكان كۆبوه‌وه‌.

له‌و باره‌یه‌وه‌ سه‌رۆك كۆمار له‌ تۆڕی كۆمه‌ڵایه‌تیی ئێكس وێنه‌یه‌كی كۆبونه‌وه‌كه‌ی بڵاوكردوه‌ته‌وه‌و له‌سه‌ری نوسیوه‌: "لە دیدارماندا لەگەڵ قەداسەتی پاپا".

سه‌باره‌ت به‌ ناوه‌ڕۆكی كۆبونه‌وه‌كه‌ش، سه‌رۆك كۆماری عێراق نوسیویه‌تی: " لە دیدارماندا لەگەڵ قەداسەتی پاپا جەختمانکردەوە لەسەر پتەوکردنی ئاشتیی لەناوچەکەدا."

سه‌رۆك كۆمار راشیگه‌یاندووه‌:" گفتوگۆمان کرد سەبارەت بە عیراق و پێشکەوتنەکانی و بەرقەراربونی ئاسایش و دۆخی سیاسی.
قەداسەتی پاپا پاڵپشتیکردن و خۆشەویستی بۆ عیراق و گەلەکەی بە هەموو پێکهاتەکانیەوە دوپاتکردەوە."