به‌ زیاتر له‌ 27 ملیار دینار ئه‌مساڵ چه‌ند بانك و كۆمپانیایه‌كی ئاڵوگۆڕی دراو سزادراون

 بانكی ناوه‌ندی عێراق لە ماوەی ١١ مانگی ئەمساڵدا، بە زیاتر له‌ ١٢٧ ملیار دینار سزای ئه‌و بانک و کۆمپانیایانه‌ی ئاڵوگۆڕی دراوی داوه‌ كه‌ پابه‌ندی رێنماییه‌كان نه‌بوونه‌. 

 بانکی ناوەندی عێراق لە راگەیەندراوێکدا ئاماژەی بۆئەوەشکردووە:" لەسەرەتای مانگی یەکی ئەمساڵەوە تا کۆتایی مانگی تشرینی دووەمی رابردو، ٣٦ سزای کارگێڕێییان بەسەر کۆمپانیا دامەزراوە ناداراییەکاندا سەپاندووە کە سزاکان خۆیان لە ھۆشداریی و ئاگادارکردنەوە و سزای پشتگوێخستن دەبینێتەوە.

 باسی له‌وه‌شكردووه‌:" ھەر لەو ماوەیەشدا بەھۆی پابەندنەبونیان بە بڕیارو رێنماییەکانی بانکی ناوەندیی، بە زیاتر لە ١٢٧ ملیار دینار ئه‌و بانک و کۆمپانیایانه‌ی ئاڵوگۆڕی دراویان به‌ پێبژاردن(غرامه‌) سزاداوە.

ئه‌وه‌شیخستووه‌ته‌ڕو كه‌:" مانگی چواری ئەمساڵ زۆرترین سزادانی تێدا تۆمارکراوە کە بڕی پارەی سزاکان گەیشتووەتە زیاتر لە ١٧ ملیار دینار لەگەڵ ١٧ سزای کارگێڕی و کەمترین سزادانیش لەمانگی تشرینی دووەمی رابردوودا بووە کە بڕی سزاکان گەیشتووەتە زیاتر لە ھەشت ملیار دینار لەگەڵ تەنھا ھەشت سزای کارگێڕی".