وەزیری دارایی عێراق جه‌ختده‌كاته‌وه، پرسی بە بانکیکردنی مووچەی فەرمانبەرانی ھەرێم تەنیا لە رێگەی هه‌ر سێ بانکی (رەشید و رافیدەین و تی بی ئای)ه‌وه جێبەجێ دەکرێت.
تەیف سامی وەزیری دارایی عێراق لە نوسراوێکی رەسمیدا کە لە ٧ی ئەم مانگەدا ئاڕاستەی نوێنەرایەتی حکومەتی ھەرێمی کوردستانی لە بەغداد کردوە رایگه‌یاندووه:" پرسی بە بانکیکردنی مووچەی فەرمانبەرانی ھەرێم تەنھا لە رێگەی بانکەکانی حکومەتی عێراقی (ره‌شید و رافیده‌ین و تی بای ئای)ه‌وه دەبێت.
ئاماژه‌ی بۆئه‌وه‌شكردووه:" فەرمانبەران سەربەستن لە ھەڵبژاردنی ھەر یەکێک لەو سێ بانکانەی حکومەتی فیدڕاڵ."
به‌پێی نووسراوه‌كه:" وەزارەتی دارایی عێراق پابەندە بە بڕیارەکانی دادگای فیدڕاڵی و لەو چوارچێوەیەشدا بەردەوام دەبن لە رەوانەکردنی مووچەی فەرمانبەرانی مەدەنی و سەربازی ھەرێم، بەڵام عێراق بەرپرسیار نییە لە پێدانی سێ مووچەی ساڵی رابردووی فەرمانبەرانی کوردستان، بەڵکو ئەو سێ مووچەیە لە ئەستۆی حکومەتی ھەرێمدایە کە ئەوکات خاوەن داھاتی خۆی بووە و دەبێت دابینی بکات. "
ده‌رباره‌ی بە پلە بەرزکردنەوەش ده‌ڵێت:" ئەرکی حکومەتی ھەرێمی کوردستانە رێکارەکان بگرێتە بەر بۆ دەستپێکردنەوەی پرۆسەی پلە بەرزکردنەوەی فەرمانبەرانی ھەرێم و ئەو پرسە ھیچ پەیوەندیەکی بە حکومەتی فیدراڵه‌وه نییە."
Copyright © 2020 Kirkuk Tv All Rights Reserved Designed And Developed By AVESTA GROUP