یانەی ئیتیحاد چاوی لەتواناکانی کاسیمیرۆیە

بەپێی ھەواڵێکی پاکۆ گۆنزالێزی شارەزا لەبازاری گواستنەوەی یاریزانان , چاوەڕواندەکرێت لەماوەی کرانەوەی بازاڕی گواستنەوەی هاوینەدا , ھەوڵی چەندین مانگەی یانەی ئیتیحاد سەربگرێت و کاسێمیرۆی بەرازیلی و ئەستێرەی ھێڵی ناوەندی مانچێستەر یونایتد ڕووبکاتە سعوودیە و شەیتانە سورەکان بەجێبهیڵێت , لەدرێژەی ھەواڵەکەدا پاکۆی ڕۆژنامەنووس ئەوەی ئاشکراکردووە کە یانەی ئیتیحاد بەشێوەیەکی چڕ گرنگی بە کاسیمیرۆ دەدات و ئامانجی ئەوەیە بیگوازێتەوە یانەکەی , بۆ ئەو مەبەستەش بۆندێکی بەبڕی 70 ملیۆن یۆرۆ ئامادەکردووە و دەیەوێت پێشکەشی ناوەندکارە بەرازیلیەکەی بکات , گۆنزالێز راشیگەیاند کە یانەی مانیوو ئامادەنیە بەکەمتر لە 80 ملیۆن یۆرۆ دەستبەرداری کارلۆس کاسیمیرۆ ببێت و ھۆشیاری داوەتە یانە خوازیەکان کە بە 80 ملیۆن یۆرۆوە دەستپێشخەری گواستنەوەی ئەستێرە 32 ساڵانەکە بکەن