بەپێی راگەیەندراوێکی دادگای باری کەسیی رەسافە،
هۆکاری سەرەکی زیادبوونی حاڵەتەکانی جیابوونەوە تۆڕە کۆمەڵایەتییەکان و لایەنی
ئابوورین.
ئەحمەد جاسب دادوەری یەکەمی دادگاکە دەڵێت، تۆڕە
کۆمەڵایەتییەکان و کێشە ئابوورییەکان و نەخوێندەواری و کێشەی نیشتەجێبوون و
ئامادەنەبوونی گەنجان بۆ بەردەوامیدان بە پڕۆسەکە و هاوسەرگیریی پێشوەختە لە
هۆکارە سەرەکییەکانی جیابوونەوەن.
بەپێی ئامارێک لە ساڵی 2022 دا 70 هەزار خێزانی
عێراقی هەڵوەشاونەتەوە کە بە تێکڕا دەکاتە 200 خێزان لە رۆژێکدا و لە ساڵی 2023شدا
رۆژانە بە تێکڕا 300 حاڵەتی جیابوونەوە تۆمارکراوە.
هەر بە گوێرەی ئامارەکان لەنێوان ساڵانی
2020-2021دا، 15 هەزار حاڵەتی جیابوونەوە لەنێوان ئەو کەسانە تۆمارکراوە کە
تەمەنیان نەگەیشتووەتە 15 ساڵ.
Copyright © 2020 Kirkuk Tv All Rights Reserved Designed And Developed By AVESTA GROUP