وردەکاریی کوژرانی دوو تیرۆرستی داعش

لە ئۆپراسیۆنێکدا لە پارێزگای کەرکوک دوو تیرۆستی لەلایەن هێزە ئەمنییەکانەوە کوژران، شانەی راگەیاندنی ئەمنی عیراقیش رایدەگەیەنێت:" یەکێک لە تیرۆرستەکان والی بووە".
 شانەی راگەیاندنی ئەمنی   لە راگەیەندراوێکیدا ووردەکاری کوژرانی ئەو دوو تیرۆرستەی بڵاوکردەوە، کە دوێنێ لە لایەن هێزێکی دژە تیرۆرەوە لە کەرکوک کوژران، بەپێی راگەیەندراوەکە:" دژە تیرۆر بۆ ماوەی چوار رۆژ بۆسەیان بۆ ئەو دوو تیرۆستە دانابوو، کە لە ئەنجامدا توانرا هەردووکیان بکوژن".
راشیگەیاندووە:" تیرۆستەکان یەکێکیان پلەی والی ریاز بووە و ئەوی دیکەش چەکداری ریاز بووە لە سنووری کەرکوک".
 لە کۆتایشدا شانەی راگەیاندنی ئەمنی ئاشکرای کردووە:" توانراوە دەست بەسەر چەک و ئەو کەرەستانەدا بگرن کە تیرۆرستەکان بۆ کردەوەی تاوانکاری بەکاریان دەهێنا".
 ئەمەش لە کاتێکدایە، کە دوێنێ دەزگای دژە تیرۆر لە راگەیەندراوێکیدا ئاماژەی بەوەکرد" بە فەرمانی فەرماندەی گشتی هێزە چەکدارەکان و بە سەرپەرشتی سەرۆکی دەزگای دژە تیرۆر و لەلایەن فەرماندەی  دووی ئۆپەراسیۆنە تایبەتەکان دوو تیرۆریستی داع.ش  لە کەرکوک کوژران".