وه‌زاره‌تی په‌روه‌رده‌ی عیراق ژماره‌یه‌ك بڕیاری له ‌به‌رژه‌وه‌ندی خوێندكاراندا ده‌ركرد

وه‌زاره‌تی په‌روه‌رده‌ی عێراق بڕیاریدا، به‌پێدانی پێنج نمره‌ بۆ سه‌رجه‌م خوێندكارانی پۆلی یه‌كه‌م تا پێنجی بنه‌ڕه‌تی و پۆله‌ ناكۆتاكانی ناوه‌ندی و ئاماده‌كاری، هه‌روه‌ها بڕیاره‌كه‌ په‌یمانگه‌ پیشه‌ییه‌كان له‌ سه‌رجه‌م لقه‌كانیان و په‌یمانگاكانی هونه‌ره‌ جوانه‌كان ده‌گرێته‌وه‌.
وه‌زاره‌تی په‌روه‌رده‌ له‌ ڕاگه‌یه‌ندراوێكدا بڵاویكرده‌وه‌، وه‌زاره‌ته‌كه‌یان بڕیاریداوه‌ به‌پێدانی پێنج نمره‌ به‌سه‌رجه‌م خوێندكارانی پۆلی یه‌ك تا پێنجی بنه‌ڕه‌تی و پۆله‌ ناكۆتاكانی ناوه‌ندی و ئاماده‌یی واته‌ (یه‌ك و دوو)ی ناوه‌ندی و (چوار و پێنج) ئاماده‌یی له‌گه‌ڵ په‌یمانگه‌ پیشه‌ییه‌كان و په‌یمانگه‌ی هونه‌ره‌ جوانه‌كان.
ئاماژه‌ی به‌وه‌شكرد: بڕیاریشدراوه‌ ڕێگه‌ بدرێت به‌به‌شداریكردنی خوێندكارانی پۆلی یه‌ك تا چواری بنه‌ڕه‌تی له‌ خولی دووه‌می تاقیكردنه‌وه‌كان كه‌ له‌ سه‌رجه‌م وانه‌كان له‌ تاقیكردنه‌وه‌كانی خولی یه‌كه‌م بۆ ساڵی خوێندنی 2023-2024 ده‌رنه‌چوون.