لە خۆڵ و خاشاکی بەغداد کارەبا بەرهەمدەهێنرێت

عێراق پلانی داناوە لە خۆڵ و خاشاکی بەغداد کارەبا بەرهەمبهێنرێت.
محەمەد رەبیعی، وتەبێژی ئەمانەتی بەغداد رایگەیاند، زبڵ و خاشاکی بەغداد رۆژانە زیاترە لە نۆ هەزار تۆن و لەو رێژەیە سێ هەزار تۆنی بۆ وەبەرهێنانی کارەبا لەلایەن دوو کۆمپانیای کەرتی تایبەتەوە بە ئەبوغرێب و نەهرەوان بەکاردەهێنرێنەوە و بەنرخێکی گونجاو بە حکومەتی دەفرۆشنەوە.
راشیگەیاندووە، 24 کۆمپانیای جیهانی داواکاریان بۆ وەبەرهێنانی کارەبا لە زبڵ و خاشاکی بەغداد پێشکەشکردوە، بەڵام گرێبەست بۆ دوو کۆمپانیای ئیتاڵی و تورکی کراوە، لەبەرئەوەی پێشینەیان لەو بوارەدا هەیە، لە وڵاتانی دیکەدا و سەرکەوتوو بوون.