سه‌رۆك كۆمار بۆ ساڵیادی شەهیدبونی ئیمام حسێن په‌یامێكی بڵاوكرده‌وه‌

د.لەتیف رەشید سەرۆكکۆماری عیراق لە ساڵیادی شەهیدبونی ئیمام حسێن (سەلامی خوای لەسەربێت) پەیامێکی لە هەژماری تایبەتی خۆی لە تۆڕی کۆمەڵایەتی ئێکس بڵاوکردەوە و رایگەیاندووە: "لەم بۆنە مەزنەدا ئیلهام لە بەهاکانی قوربانیدان وەردەگرین، کە عیراقییەکان لە بەرامبەر ستەمکاری و تیرۆر و لەپێناو شکۆی میللەت و هاووڵاتیاندا، بەهەمان شێوە قوربانی دەدەن".

لە پەیامەکەشیدا سەرۆککۆمار دەڵێت: "جەخت لەسەر پێویستی یەکخستنی ریزەکانی نیشتمانیی و کارکردن لە ژێر سایەی نیشتماندا دەکەینەوە بۆ پاراستنی سەقامگیریی وڵات". 

دەقی پەیامەکە
لە ساڵیادی شەهیدبوونی ئیمام حسێن و خێزان و هاوەڵانی (سەلامی خوایان لەسەر بێت) لە رۆژی عاشوورادا، ئەو بنەمایانە وەبیردەهێنینەوە، کە نوێنەرایەتی مەشخەڵێك دەکەن بۆ روناککردنەوەی رێگای ئازادی و دادپەروەری کۆمەڵایەتی و رەتکردنەوەی نادادپەروەری و سەرکەوتنی راستی.

لەم بۆنە مەزنەدا، ئیلهام لە بەهاکانی قوربانیدان وەردەگرین، کە عیراقییەکان لە بەرامبەر ستەمکاری و تیرۆر و لەپێناو شکۆی میللەت و هاووڵاتیاندا، بەهەمانشێوە قوربانی دەدەن، هاوکات جەخت لەسەر پێویستی یەکخستنی ریزەکانی نیشتمانی و کارکردن لە ژێر سایەی نیشتماندا دەکەینەوە بۆ پاراستنی سەقامگیریی وڵات و سەلامەتی هاووڵاتیان و جێبەجێکردنی خواستەکانیان.