وەزارەتی ژینگەی عیراق بەھاوکاری بەریتانیا
پرۆژەیەکی نوێ بۆ کەمکردنەوەو رێگرتن لەدروستبوونی خۆڵبارین جێبەجێ دەکات.
یوسف موئەیەد بەڕێوەبەری بەڕێوەبەرایەتی
گۆڕانکارییەکانی کەشوھەوا لەوەزارەتی ژینگەی عیراق رایگەیاند: لەماوەی چەند ساڵی
رابردوودا بەھۆی کاریگەری گۆڕانکارییەکانی کەشوھەوا، عیراق رووبەڕووی قەیرانێکی
گەورەی وشکەساڵی و کەمئاوی بووەتەوەو ئەمەش سەرچاوەیەکی سەرەکییە بۆ خۆڵبارین و
لەناوچوونی زەوی.
وتیشی: بەنوێنەرایەتی سەرجەم وەزارەتەکانی عیراق
و بەپشتیوانی حکومەتی بەریتانیاو رێکخراوەکانی سەر بە نەتەوە یەکگرتووەکان
پرۆژەیەکی نوێ جێبەجێ دەکەن، کە تایبەتە بەسنوردانان و رێگرتن لەدروستبوونی
خۆڵبارین و کەمکردنەوەی کاریگەرییەکانی، لەگەڵ چارەسەرکردنی کێشەی لەناوچوونی زەوی
کە ساڵ لەدوای ساڵ لەزیادبووندایە.
Copyright © 2020 Kirkuk Tv All Rights Reserved Designed And Developed By AVESTA GROUP