مێرکاتۆى هاوینە .. بەرپرسانى بارسێلۆنا ناوى یاریزانێکیان بۆ وەرزى نوێ تۆمار ناکەن

یانەى بارسێلۆناى ئیسپانى بەهۆى پێکانەوە ناوى رۆناڵد ئاراوخۆى ئۆراگوای و بەرگریکارى یانەکەى تۆمارناکات بۆ رکابەرییەکانى وەرزى نوێى خولى یانەکانى ئیسپانیا ، ئاراوخۆ لە یارییەکانى کوپا ئەمریکا دووچارى پچڕانى بەستەرى ئەژنۆى هات و سەرچاوەکان دەلێن 4 مانگ لە یاریگاکان دووردەکەوێتەوە، بەو هۆیشەوە بەرپرسانى یانەى بارسێلۆنا، لەسەر داواى هانسی فلیکى ئەڵمانى و راهێنەرى نوێی یانەکە، ناوى بەرگریکارە تەمەن 25 ساڵانەکە، لە لیستى یاریزانەکانیان بۆ وەرزى نوێ تۆمار ناکەن و دەیانەوێت دەرفەت بە یاریزانى دیکە ببەخشن، هەروەها خواستى یانەکەش، واژۆکردنى گرێبەستە لەگەڵ چەند یاریزانێکى دیکە.
رۆناڵد ئاراوخۆى ئۆرۆگواى، ساڵى 2018 پەیوەندى بە تیپی دووەمى بلوگراناوە کرد و توانى 6 گۆڵ تۆمار بکات، پاشان لە هاوینى ساڵى 2019 یاریزانەکەیان بانگهێشتى تیپی یەکەم کرد و لە کۆى 107 یاریی، 7 گۆڵى بۆ یانە کەتەلۆنیەکە تۆمارکردوە.