بەرگریکارێکى مانچێستەر یونایتد گورزێکى کوشندە لە یانەکە دەدات

چەند راپۆرتێکى رۆژنامەوانى باس لەوە دەکەن، دواى 5 ساڵ یاریکردن بۆ یانەى مانچێستەر یونایتد، بەرگریکارێکى یانەکە، ریزەکانى مان یوو جێدەھێڵێت.
رۆژنامەى دەیلى مەیلى بەریتانى ئاماژە بەوە دەکات: ماگوایەرى تەمەن 31 ساڵان گەیشتۆتە ئەو بڕوایەى بۆ ئوەرزى نوێ دەرفەتى یاریکردنى وەک پێویست پێ نادرێت و چانسى بەشداریکردنى ل دیدارەکاندا کەم دەبێت، بۆیە بیرى لەوە کردۆتەوە ریزەکانى مان یوو جێبهێڵێت و لەگەڵ کارگێڕى یانەکەى گفتوگۆ ئەنجام بدات.
سەرچاوەى هەواڵەکە باسى لەوەش کردوە: لە سەرەتادا ماگوایەرى بەرگریکارى شەیتانە سورەکان، دەیەوێت بە شێوەى خواستن لە یانەکە بڕوات، وە نزیکترین یانەش لێوەى لە ئێستادا، یانەى لیستەر سیتیە، وە گفتوگۆشیان لەگەڵ بەڕێوەبەرى کارەکانى یاریزانەکە ئەنجامداوە.
هارى ماگوایەر لە هاوینى 2019 لە یانەى لیستەر سیتیەوە پەیوەندى بە ریزەکانى یانەى مانچێستەر یونایتدەوە کرد، لەو ماوەیەشدا، 112 یاریی لە پرێمەرلیگ بە بەرگى یانەکەوە ئەنجامداوە و 4 گۆڵیشی تۆمارکردوە.