ساکا دوو مانگ لە یاریگاکان دادەبڕێت

ساکا دوو مانگ لە یاریگاکان دادەبڕێت

میکێل ئارتێتا ڕاهێنەری یانەی ئارسناڵ سوپرایزێکی شۆککەری بۆ هاندەرانی گەنەرز ئاشکرا کرد، دوای ئەوەی ماوەی ئامادەنەبوونی یاریزانە ئینگلیزیەکەی بوکایۆ ساکای ڕاگەیاندو بە شێوەیەکى ڕەسمى ئەوەى ئاشکراکردوە یاریزانە هێرشبەرەکەى بۆماوەى دوو مانگ لە یاریگاکان دووردەکەوێتەوە ، دوای بردنەوەی ئارسناڵ بەرامبەر ئیپسویچ تاون (1-0)ڕاهێنەرە ئیسپانییەکە باسی لە دۆخی ساکا کرد.
ئارتێتا پشتڕاستیکردەوە “ ساکا دوای ئەوەی تووشی پێکان بووە نەشتەرگەری بۆ دەکرێت، بۆیە بۆ ماوەیەکی زۆر لە یاریگادا ئامادە نابێت.”
دوای ئەوەی ڕاپۆرتەکان ئاماژەیان بەوەدا کە ڕەنگە ساکا بۆ نزیکەی 4 هەفتە ئامادەنەبێت، ئارتێتا وتی: بەهۆی پێکانەوە تیپەکە زیاتر لە دوو مانگ لە تواناکانى یاریزانەکەی بێبەش دەبێت .
ڕاپۆرتە ڕۆژنامەوانییەکان باس لەوە دەکەن ڕەنگە ئارسناڵ ناچار بێت بچێتە قۆناغی گواستنەوەی زستانە، بەدوای یاریزانێکی نوێدا بگەڕێت بۆ ئەوەی پشتگیری هێڵی هێرشبەری بکات لە غیابی ساکادا.