ڕێکخراوێکی مافەکانی مرۆڤ لە عێراق رایدەگەیەنێت ڕێژەی قەرەباڵغی زیندانەکانی عێراقدا گەیشتووەتە 400٪.
زۆربوونی تاوان لە عێراق بووەتە هۆی بەرزبوونەوەی ڕێژەی زیندانییان لە گرتووخانەکان و ئەمەش وای کردووە قەرەباڵغییەکی زۆر لە گرتووخانەکاندا دروست ببێت.
لەوبارەیەوە عەلی عەبادی، سەرۆکی ڕێکخراوی عێراق بۆ مافەکانی مرۆڤ رایگەیاند لە سەردانە مەیدانییەکان بۆ گرتووخانەی ژمارەیەک پارێزگادا، دەرکەوتووە کێشەی سەرەکی گرتووخانەکان ڕێژەی زۆری زیندانییانە و هەندێک گرتووخانە ڕێژەی قەرەباڵغی گەیشتووەتە 400٪.
بە گوێرەی سەرۆکی ڕێکخراوەکە ڕێکارەکانی لێکۆڵینەوە لەگەڵ تۆمەتباران، هەواڵدەری نهێنی و ماددەی چواری تیرۆر و پابەند نەبوون بە پێوەرەکانی مافەکانی مرۆڤ، سەرەکیترین هۆکارەکانی گرفتەکەن.
بۆ چارەسەری گرفتەکەش عەلی عەبادی ئاشکرای کرد، پەسەندکردنی یاسای لێبوردنی گشتی 40 بۆ 60٪ کێشەی زیندانییان چارەسەر دەکات.
ئەمە لەکاتێکدایە لە عێراق زیاتر لە 65 هەزار زنیدانی بەسەر نزیکەی 30 گرتووخانەدا دابەشبوونە.
Copyright © 2020 Kirkuk Tv All Rights Reserved Designed And Developed By AVESTA GROUP