دامەزراوەی کوردستان وۆچ: ڕۆژانە 300 هه‌زار بەرمیل نەوتی خاوی هەرێم بە قاچاخ دەبرێتە دەرەوە

ڕۆژانە 300 هه‌زار بەرمیل نەوتی خاوی هەرێم، بە شێوەی قاچاخ دەبرێتە دەرەوە و بە نیوەی نرخە جیهانییەکەی دەفرۆشرێت .
دامەزراوەی کوردستان وۆچ لە ئەمریکا لە راپۆرتێکدا ئاشكرای کردووه‌: قاچاخی نەوتی خاوی هەرێم زیاتر لەوەیە کە لە راپۆرتی كۆتایی ئاژانسی رۆیته‌رز باس کراوە.
به‌پێی راپۆرته‌كه‌ رۆژانە 300 هه‌زار بەرمیل نەوتی خاوی هەرێم لە دەروازەکانی هەرێمی کوردستانەوە بۆ وڵاتانی دیکە هەناردە دەکرێت.
ئه‌وه‌ش باسكراوه‌: نەوتی خاوی قاچاخکراوی هەرێم زیاتر بۆ وڵاتانی چین و تورکیا هەناردە دەکرێت، نرخی فرۆشی نەوتی خاوی هەرێم بۆ ئەو وڵاتانە نزیک بە 40 دۆلار ده‌فرۆشرێت، كه‌ ئه‌وه‌ش نیوه‌ی نرخی جیهانه‌ كه‌ ئێستا به‌ 80 دۆلاره‌ بۆ یه‌ك به‌رمیل.