لە بازاڕەکانی جیهاندا نرخی نەوت جێگیرەو زێڕیش بەرزبۆتەوە

ئەمڕۆ نرخی نەوت لە بازاڕەکانی جیهان بە جێگیری ماوەتەوە و نرخی زێڕیش بەشێوەیەکی بەرچاو بەرزبووەتەوە .
بەپێی سەکۆی جیهانی ئۆیل پرایس، یەک بەرمیل نەوتی خاوی برێنت بە ٧٢ دۆلار و ٩٤ سەنت مامەڵەی پێوەدەکرێت، هەروەها یەک بەرمیل نەوتی خاوی ئەمریکی بە ٦٩ دۆلار و ٤٦ سەنتە.
لەلایەکی دیکەوە، یەک ئۆنسە زێڕ بە دوو هەزار و ٦٢٣ دۆلارە، بەوەش بەراورد بە دوو رۆژی رابردوو نرخەکەی بەشێوەیەکی بەرچاو بەرزبووەتەوە.
هاوکات، نرخی یەک کیلۆگرام زێڕ ٨٤ هەزار و ٣٣٧ دۆلارە و یەک گرامیش بە ٨٤ دۆلار و ٣٣ سەنتە.