کۆمپانیایەکی نەرویژی: لە چارەکی دووەمی ئەمساڵدا لە نەوتی هەرێم ٣٥ ملیۆن دۆلار قازانجمان کردووە

کۆمپانیای (DNO) نەرویجی، بڕی بەرهەمهێنانی نەوت و قازانج و داهاتەکەی لە چارەکی دووەمی ئەمساڵ لە کێڵگە  نه‌وتییه‌کانی فیشخابـور و تاوکێ بڵاوکردەوەو بەگوێرەی ئامارەکانش 35 ملیۆن دۆلار قازانجیان کردووە.

کۆمپانیای (DNO) ، لە کێڵگە نەوتییەکانی هەرێمی کوردستان لە چارەکی دووەمی ئەمساڵدا بەتێکڕای رۆژانە 79 هەزارو 783 بەرمیل نەوتی بەرهەمهێناوە، بەراورد بەچارەکی یەکەمی ئەمساڵ، بەرهەمی بەڕێژەی لەسەدا (5%) بەرزبووەتەوە.

کۆمپانیای (DNO) ، دەڵێت لەکێڵگەی فیشخابور رۆژانە بە تێکڕا 49 هەزارو 99 بەرمیل بەرهەمی هەبووە، لەکێڵگەی تاوکێ 30 هەزار و 684 بەرمیل نەوت، بەڵام لەکێڵگەی (باشیك) هیچ بەرهەمێکیان نەبووە.

ئه‌و کۆمپانیایه‌ باسی له‌وه‌شكردووه‌ كه‌:" یەک بەرمیل نەوتی لەو دوو کێڵگەیە لە سەروو 30 دۆلارەوە بەبازرگانانی ناوخۆ فرۆشتووە.
لەچارەکی دووەمی ئەمساڵیش کۆی گشتیی داهاتی کۆمپانیاکە 137 ملیۆن دۆلار بووەو قازانجەکەی 35 ملیۆن دۆلار بووە."