نرخی نەوت لە بازاڕەکانی جیهان گۆڕانکاری بەسەردا
هات و هەریەک لە نەوتی خاوی برێنت و تەکساسی ئەمەریکیش بەراورد بە دوێنێ نرخەکەیان
دابەزیوە.
دوای ئەوەی ئیسرائیل پێشنیازی چارەسەرکردنی ئەو
ناکۆکییانەی قبوڵکرد کە پیشتر رێگربوون له ڕێككه‌وتنی ئاگربه‌ستی غه‌ززه، ئه‌مڕۆ
سێشه‌ممه نرخی نه‌وت له‌بازاڕه‌كانی جیهاندا دابه‌زی، بەشێوەیەک نرخی بەرمیلێک
نەوتی خاوی برێنت بە (77) دۆلار و (7)سەنت مامەڵەی پێوەدەکرێت و بەراورد بە دوێنێ نرخەکەی
دۆلارێک و 78 سەنت دابەزیوە.
هاوکات هاوشێوەی نەوتی برێنت، نەوتی تەکساسی
ئەمریکییش نرخەکەی بە شێوەیەکی بەرچاو دابەزیوە و ئەمڕۆ لە بازاڕە جیهانییەکاندا بەرمیلێک
نەوتی تەکساسی ئەمەریکی بە (73) دۆلار (71) سەنت مامەڵەی پێوەدەکرێت و بەراورد بە دوێنێ
نرخەکەی دوو دۆلار و 69 سەنت دابەزیوە.
Copyright © 2020 Kirkuk Tv All Rights Reserved Designed And Developed By AVESTA GROUP