کۆچ و کۆچبەرانی عیراق: تائێستا 4 هەزار عیراقی لە کەمپی هۆلەوە گەڕێنراونەتەوە

بریکاری وەزارەتی کۆچ و کۆچبەرانی عێراق رایگەیاند: تا ئێستا توانراوە چوار هەزار هاوڵاتی عێراقی لە کەمپی هۆلەوە بگەڕێننەوە، دەشڵێت: لەگەڵ حکومەتی هەرێم گەیشتونەتە لێكتێگەشتن بۆ گەڕانەوەی ئاوارەکان.
کەریم نوری، بریکاری وەزارەتی کۆچ و کۆچبەرانی عێراق رایگەیاند: کۆی گشتی ئاوارە عێراقییەکان لەنێو کەمپی هۆل 20 هەزار کەسە و لەو ژمارەیەش توانراوە چوار هەزارییان بگەڕێننەوە.
ئاماژەی بەوەشکرد: لەگەڵ هەندێك لایەن هاوئاهەنگییان هەیە بۆ دووبارە شیاندنەوەی ئەو کەسانەی دەیان گەڕێننەوە و دەشڵێت: هەر ئاوارەیەك دەستی خوێناوی بووبێت بە خوێنی عێراقییەکان ناتوانێت بگەڕێتەوە.
سەبارەت بەو ئاوارانەش کە لە کەمپەکانی هەرێمی کوردستان نیشتەجێن بریکاری وەزارەتی کۆچ و کۆچبەرانی عێراق وتی: لەگەڵ حکومەتی هەرێم گەیشتوونەتە لێکتێگەشتن بۆ گەڕانەوەی ئاوارەکان لە 22 کەمپی هەرێمی کوردستان بۆ ناوچەکانی خۆیان.

باسی لەوەشکرد: بونی ئەو کەمپانە لە هەرێم بارگرانییە بۆسەر حکومەتی هەرێم و کێشەشە لەسەر حکومەتی عێراق، هەربۆیە بە گرنگی دەزانن کە سەرجەم ئاوارەکان بگەڕێننەوە.