ئاژانسی رۆیتەرز بڵاویکردەوە، گرێبەستی وەزارەتی نەوتی عیراق لەگەڵ کۆمپانیای بریتیش پتڕۆلیۆم بۆ پەرەپێدانی چوار کێڵگەی نەوتی لەکەرکوک گرێبەستی قازانجی ھاوبەشە.
ئاژانسی رۆیتەرز رایگەیاند، لەم ساڵانەی دوایدا چەند کۆمپانیایەکی نەوتی ناڕەزایەتیان لە گرێبەستەکانیان لەگەڵ عیراق ھەبووە بەھۆی ئەوەی کە قازانجێکی کەم دەکەن لەدەرھێنانی نەوت و ھەناردەکردنی.
دەشڵێت: عیراق و کۆمپانیای بیریتیش پتڕۆلیۆم دوای نزیکەی پێنج ساڵ جارێکی تر بەیەکەوە کاردەکەنەوە لەسەر بنەمای گرێبەستێکی سەرەتایی لەنێوانیاندا بۆ کارکردن لە چوار کێڵگەی نەوتی لەکەرکوک.
وتیشی: گرێبەستەکەی کەرکوک جیاوازەو قازانجی ھاوبەشە بۆ ئەوەی کارەکانی کۆمپانیا لەو شارەدا خێراتر بکات و گرێبەستی کۆتایی لەسەرەتای 2025 ئیمزا دەکەن.
لەسەرەتای ئەم مانگەدا عیراق و کۆمپانیای بیریتیش پتڕۆلیۆم گرێبەستێکیان ئیمزاکرد بۆ پەرەپێدان و دۆزینەوەی نەوت لە چوار کێڵگەی نەوتی لەکەرکوک.
Copyright © 2020 Kirkuk Tv All Rights Reserved Designed And Developed By AVESTA GROUP