هەفتەی رابردوو هەناردەی نەوتی عیراق بۆ ئەمریكا، گەیشتە 166 هەزار بەرمیل لە رۆژێكدا كە ئەوەش بەراورد بە هەفتەی پێشوو 17 هەزار بەرمیل لە رۆژێكدا كەمیكردووە.
ئیدارەی زانیاری وزەی ئەمریكا لەڕاپۆرتێكدا رایگەیاند: تێكڕای هاوردەكردنی نەوتی خاو لەماوەی هەفتەی رابردوودا لە نۆ وڵاتی گەورەوە گەیشتووەتە پێنج ملیۆن و 452 هەزار بەرمیل لە رۆژێكدا، كە بەراورد بەهەفتەی پێشوو 171 هەزار بەرمیل لە رۆژێكدا كەمیكردووە.
ئاماژەی بەوەشكرد: هەفتەی رابردوو هەناردەی نەوتی عیراق بۆ ئەمریكا لەڕۆژێكدا 166 هەزار بەرمیل بووە ، بەراورد بە هەفتەی رابردوو 17 هەزار بەرمیل لەڕۆژێكدا كەمیكردووە، كەڕۆژانە 149 هەزار بەرمیل بووە.
باس لەوەشكراوە زۆربەی داهاتی نەوتی ئەمریكا لە ماوەی هەفتەی رابردوودا لە كەنەدا بووە بە تێكڕای چوار ملیۆن و 83 بەرمیل لەڕۆژێكدا، لە دوای ئەویش كۆڵۆمبیا دێت بە تێكڕای 213 هەزار بەرمیل لەڕۆژێكدا، لە دوای ئەویش سعودیە دێت بە تێكڕای 207 هەزار بەرمیل لەڕۆژێكدا.
Copyright © 2020 Kirkuk Tv All Rights Reserved Designed And Developed By AVESTA GROUP