سه‌رچاوه‌یه‌كی ئاگادار
له‌وه‌زاره‌تی دارایی هه‌رێم رایگه‌یاند، ئه‌مڕۆ سێشه‌ممه حكومه‌تی عێراق 550 ملیار
دیناری بۆ موچه‌ی مانگی (ته‌مموز/7)ی موچه‌خۆرانی هه‌رێمی كوردستان ره‌وانه كرد.
به‌گوێره‌ی زانیاریه‌كان،
بە فەرمانی محه‌مه‌د شیاع سودانی سەرۆک وەزیرانی عێراق، ئه‌مڕۆ سێشه‌ممه وەزارەتی
دارایی عێراق، بڕی 550 ملیار دیناری بۆ موچه‌ی مانگی (ته‌مموز/7)ی ره‌وانه‌ی هه‌رێمی
كوردستان كرد كه ئه‌مه‌ش به‌شێكه له‌بڕی موچه‌ی پێویست بۆ موچه‌خۆرانی هه‌رێم كه
مانگانه پێویستی به زیاتر له 950 ملیار دینار هه‌یه.
فه‌رمانبه‌رانی هه‌رێمی
كوردستان هێشتا موچه‌ی مانگی (ته‌موز/7)ی ئه‌مساڵیان وه‌رنه‌گرتوه و تاوه‌كو ئێستاش
وه‌زاره‌تی دارایی و ئابوری حكومه‌تی هه‌رێم هیچ رونكردنه‌وه‌یه‌كی له‌باره‌ی ره‌وانه‌كردنی
پاره له به‌غداوه نه‌خستۆته‌ڕوو .
Copyright © 2020 Kirkuk Tv All Rights Reserved Designed And Developed By AVESTA GROUP