حزبوڵای لوبنان: تۆڵەی تەقاندنەوەی ئامێرەکانمان لە ئیسرائیل کردەوە

حزبوڵای لوبنان ژمارەیەک ناوەندی پیشەسازی سەربازی و بنکەی ئاسمانیی ئیسرائیلی کردە ئامانج و ئەمرۆش ئەنجومەنی ئاسایش و سیاسی ئیسرائیل، سەبارەت بە پێشهات و گرژییەکانی نێوان ئیسرائیل و حیزبوڵا کۆدەبێتەوە.
حزبوڵای لوبنان رایگەیاند، بەدەیان موشەک هێرشیانکردۆسەر  ناوەندی پیشەسازی سەربازی و بنکەیەکی ئاسمانیی ئیسرائیلیان لەنزیک شاری حەیفا.
لایخۆشیەوە سوپای ئیسرائیل دوپاتیکردەوە، رێگرییان لە ژمارەیەک موشەک کردووە کە لەلوبنانەوە بەرەو وڵاتەکەیان هەڵدراون.
رۆژنامەی یەدەعۆت ئەحرەنۆتی ئیسرائیلیش بڵاویکردەوە، کە ئەنجومەنی ئاسایش و سیاسی ئیسرائیل لەتەلئەبیب سەبارەت بەگرژییەکانیان لەگەڵ حیزبوڵا کۆدەبێتەوە.
درەنگانی شەوی رابردوش هێزی ئاسمانیی سوپای ئیسرائیل زنجیرەیەک هێرشیان کردە ژمارەیەک ئامانجی دیاریکراوی حیزبوڵا لەباشوری لوبنان و  فەرماندەیی بەرەی ناوخۆی ئیسرائیل بڕیاریدا بەداخستنی سەرجەم ناوەندەکانی خوێندن لەناوچەکانی باکوری وڵاتەکەیان کە هاوسنوری لوبنانە ئەویش دوای ئەو هێرشە موشەکیەی حیزبوڵا کردیە سەر ئیسرائیل.