عیراق ئامادەیی خۆی بۆ هاوکاریکردنی لوبنان راگەیاند

عێراق هاوکاریی خۆی بۆ لوبنان دەربڕی و داواشدەکرێت لوتکەی وڵاتانی عەرەبی بۆ تاوتوێکردنی دۆخی لوبنان بەڕێوەبچێت.
محەمەد شیاع سودانی سەرۆک وەزیرانی عێراق رایگەیاندووە؛ کار لەسەر دروستکردنی رێڕەوی ئاسمانیی و وشکانی دەکەن بۆ ناردنی هاوکارییەکان و ئاسانکارییش بۆ ناردنی سوتەمەنیی بۆ لوبنان.
سودانی لە لێدوانەکەیدا جەختیکردوەتەوە کە دەرگایان واڵایە بۆ پێشوازیکردن لە بریندارانی هێرشەکانی ئیسرائیل لە نەخۆشخانەکانی عێراق.
ئاماژەی بەوەشکرد، لە ئەمریکاوە کاردەکەن بۆ ئەنجامدانی لوتکەیەک کە پێکبێت لەو وڵاتە عەرەبییانەی ئێستا لە نـیۆرکی ئەمەریکان بۆ ئەوەی لێکەوتەکانی هێرشەکانی ئیسرائیل بۆسەر لوبنان تاوتوێ بکەن.
ئەمە لەکاتێکدایە، پێشتریش عیراق وەک یەکەمین وڵاتی عەرەبی تیمێکی پزیشکیی و کاروانێکی پێداویستییە پزیشکییەکانی ڕەوانی لوبنان.