لیژنەى زیادەڕۆى کەرکوک هۆشدارى بە هاوڵاتییانى شارەکە دەدات

لیژنەى زیادەڕۆى کەرکوک هۆشدارى بە هاوڵاتییانى شارەکە دەدات و دەڵێت بە هیچ شێوەیەک ئەو زەوییانەى موڵکى گشتیین نابێت بەکاربهێنرێن.

لیژنەى زیادەڕۆى کەرکوک رایگەیاند، نابێت هاوڵاتییان بەهیچ شێوەیەک موڵکی گشتی بۆ سوودی تایبەت بەکاربهێنرێت.

لە راگەیەندراوەی لیژنەکەدا تیشکخراوەتە سەر ئەو زەوییانەی لە گەڕەگى شۆراو نزیک کۆلێژى کشتوکاڵ و زەوییەکانی نزیک چەمی گەڕەکی پەنجاعەلی، کە لە لایەن هاوڵاتییانەوە بەکار هێنراون و لە وەرزی زستاندا دەبنە هۆی هەڵسانی لافاو و گاریگەرى لەسەر ژیانى هاوڵاتییان دەبێت.

پێشتریش پارێزگارى کەرکوک بە لیژنەى زیادەڕۆى راگەیاندبوو, هەرکارێکى زیادەڕۆیی لە شارەکە ڕووبدات ئێوە لێی بەرپرسیارن.