ئاژانسەکان: سوپای ئیسرائیل هێرشی زەمینی بۆ باشوری لوبنان دەستپێکرد

وتەبێژی سوپای ئیسرائیل بەرەبەیانی ئەمڕۆ سێشەممە بڵاویکردەوە: هێزە چەکدارەکانی ئیسڕائیل ئۆپەراسیۆنێکی سەربازی زەمینی چڕیان لە باشووری لوبنان دەستپێکردووە.
بە پێی ڕاپۆرتی ئاژانسەکان، ئەم ئۆپەراسیۆنە زەمینییە دژ بە ئامانجەکانی حزبوڵا، پاڵپشتی ئاسمانی و تۆپخانەیی لەگەڵدایە.
لەم پێوەندییەدا وتەبێژی حکومەتی ئیسرائیل ڕایگەیاند ئێمە فەرمانی ئۆپەراسیۆنی زەمینی دیاریکراومان لە دژی پێگەکانی حزبوڵا لە نزیک ناوچە سنوورییەکانی لوبنان داوە.
سوپای ئیسرائیل بانگەشەی ئەوەشی کردووە کە هەندێک ئۆپەراسیۆنی زەمینییان لە دژی ئامانجەکانی حزبوڵا دەستپێکردووە.