کۆشکی سپی بەڵگەی بوونی سێ هەزار سەربازی کۆریای باکور لە رووسیا ئاشکرادەکات

کۆشکی سپی بۆ یەکەمجار رایگەیاند، بەڵگەی لایە کۆریای باکوور سێ هەزار سەربازی رەوانەی رووسیا کردووەو هێزەکە بۆ ئەوە براوەتە رووسیا تاوەکو لە ئۆکرانیا جێگیر بکرێن.
جۆن کێربی وتەبێژی کۆشکی سپی لەکۆنگرەیەکی رۆژنامەوانیدا رایگەیاند، ئەگەر کۆریای باکوور بەنیازبێت شانبەشانی رووسیا لە ئۆکرانیا شەڕ بکات، وەکو ئەوەی کیڤ دەڵێت، "ئەوە مەترسییەکی جددییە".
کێربی بەرۆژنامەنوسانی راگەیاند، بەڵگەیان هەیە سەربازە کۆرییەکان لە رۆژهەڵاتی رووسیا مەشقیان پێدەکرێت و پاشان دەبرێنە رۆژئاوا بۆ بەرەکانی جەنگ لەگەڵ ئۆکرانیا.
وتیشی: ئەمریکا زانیاریی هەیە، ئەو سێ هەزار سەربازەی کۆریای باکوور لە سێ بنکەی سەربازی لە رۆژهەڵاتی روسیا مەشق و راهێنان ئەنجامدەدەن.