لە پڕۆسەی سەرژمێریدا 14 پرسیار بۆ ئاوارەکان ئامادەکراوە

وەزارەتی پلاندانانی عیراق 14 پرسیاری بۆ ئاوارەکان لە فۆڕمی سەرژمێری  گشتی ئامادەکردووە کە لە رۆژانی ٢٠ و ٢١ ی تشرینی دووەمدا بەرێوەدەچێت.

عەلی عەریان ساعدی بەڕێوەبەری جێبەجێکاری سەرژمێری گشتی دانیشتوان رایگەیاند، لە جیھاندا دوو رێگە بەکاردەھێنرێت بۆ سەرژمێریکردنی دانیشتوان، کە ئەوانیش تیۆری و پراکتیکین، عیراقیش بۆ  سەرژمێریەکەی مانگی تشرینی دوەم رێگەی تیۆری بەکاردەھێنێت .

وتیشی، ئاوارەکان لە ماوەی رابردوودا بەھۆی ھێرشەکانی داعشەوە ناوچەکانی خۆیان جێێشتوە و تا ئێستا نەگەراونەتەوە ناوچەکانیان، لە ھەمان ئەو ناوچانە سەرژمێریان بۆ دەکرێت کە ئێستا تێیدا دەژین، لە فۆرمی سەرژمێری گشتیشدا 14 پرسیاریان بۆ ئامادە کراوە کە پرسیارەکان ماوەی مانەوەیان لە شوێنی نیشتەجێبونی ئێستا و شوێنی نیشتەجێبونی پێشتریان و چەند پرسیارێکی تر لە خۆ دەگرێت .