سه‌رۆكی ( بزاوتی جه‌ماوه‌ریی دیاله) هۆشداریی له به‌هێزبونه‌وه‌ی تاقمی تیرۆرستی داعش له عێراق ده‌دات و ئاشكرایده‌كات، دوای رزگاركردنی دیاله، زیاتر له 400 كه‌س كه تۆمه‌تبارن به تیرۆر، هه‌ڵاتوونه بۆ توركیاو ژماره‌یه‌ك له‌و تۆمه‌تبارانه‌ش له‌گه‌ڵ ناوه‌نده ئه‌منییه‌كانی بڕیاربه‌ده‌ست په‌یوه‌ندییان باشه.
عه‌مار تمیمی سه‌رۆكی (بزاوتی جه‌ماوه‌ریی دیاله) له دیدارێكیدا له‌گه‌ڵ سایتی (به‌غداد الیوم) رایگه‌یاندووه:" زیاتر له 400 كه‌سی تۆمه‌تبار به تیرۆر كه ژماره‌یه‌كیان به‌ناوسه‌ركرده‌ن له نێو تاقمی تیرۆرستی داعش، دوای رزگاركردنی دیاله له ساڵی 2015 به‌ره‌و توركیا هه‌ڵاتن"
باسی له‌وه‌شكردووه:" به‌شی هه‌ره زۆری ئه‌و تۆمه‌تبارانه كه وه‌ك سه‌ركرده ناوده‌برێن، چوونه‌ته سوریا، به‌شێكشیان له‌گه‌ڵ ناوه‌نده ئه‌منییه‌كانی بڕیاربه‌ده‌ستی توركیا په‌یوه‌ندییان باشه."
هۆشداریشیدا كه ئه‌گه‌ر ژماره‌ی ئه‌و تۆمه‌تبارانه له ناوچه‌كانی دیكه ئاشكرانه‌كرێن، ژماره‌یان بۆ چه‌ندان هێنده زیادده‌كات.
ئاماژه‌ی بۆئه‌وه‌شكردووه كه:"توركیا ده‌یه‌وێت میلی سه‌عات بگه‌ڕێنێته‌وه بۆ دواوه" ئه‌وه‌ش وه‌ك ئاماژه‌یه‌ك بۆ سه‌رده‌می داگیركاریی عوسمانییه‌كان له سوریا و عێراق.
Copyright © 2020 Kirkuk Tv All Rights Reserved Designed And Developed By AVESTA GROUP