وه‌زاره‌تی ناوخۆی عیراق ماوەی تۆمارکردنی چەکی بێ مۆڵەت درێژدەکاتەوە

وه‌زاره‌تی ناوخۆی عێراق رایگه‌یاند، بۆ ماوه‌ی ساڵێك تۆماركردنی چه‌كی بێ مۆڵه‌تی هاوڵاتییان درێژده‌كه‌نه‌وه‌، به‌ئامانجی ئه‌وه‌ی سه‌رجه‌میان بتوانن له‌و ماوه‌یه‌دا چه‌كه‌كانیان تۆماربكه‌ن.
عه‌مید میقداد میری وته‌بێژی وه‌زاره‌تی ناوخۆ له‌ ڕاگه‌یه‌ندراوێكدا بڵاویكرده‌وه‌، ره‌زامه‌ندی عه‌بدولئه‌میر شه‌مه‌ری سه‌رپه‌رشتیاری كاره‌كانی لیژنه‌ی نیشتمانی بۆ ڕێكخستنی چه‌ك له‌ده‌ستی ده‌وڵه‌ت و وه‌زیری ناوخۆ وه‌رگیرا.
ئاماژه‌ی به‌وه‌شكردوه‌، له‌ 31ی ئه‌م مانگەوە‌ تۆماركردنی چه‌كی بێ مۆڵه‌ت به‌رده‌وام ده‌بێت تاوه‌كو 31ی (كانونی یه‌كه‌م)ی 2025.
داواشیكرد، له‌ساڵی نوێدا سه‌رجه‌م ئه‌و كه‌سانه‌ی چه‌ك له‌ماڵه‌كانیاندا هه‌یه‌ به‌تایبه‌ت چه‌كی جۆری ده‌مانچه‌ و كڵاشینكۆف سه‌ردانی ناوه‌نده‌كانی تۆماركردن بكه‌ن و تۆماریان بكه‌ن بۆ ئه‌وه‌ی رووبه‌ڕووی رێكاری یاسایی نه‌بنه‌وه‌.