ئۆباما لەبارەی سەرکەوتنی ترەمپ: ئەو ئەنجامە نەبوو چاوەڕێمان دەکرد

باراک ئۆباما، سەرۆکى پێشوترى ئەمەریکا لە بەیاننامەیەکى هاوبەشدا کە لەگەڵ میشێل ئۆباماى هاوسەرى بڵاویانکردوەتەوە دەڵێت: وەک دیارە بەهۆى ئەو ناکۆکییە قوڵەى لەسەر کۆمەڵێک بابەت لەگەڵ کاندیدى کۆمارییەکان هەمانبو؛ ئەنجامەکان ئەوە نەبون کە ئێمە چاوەڕێمان دەکرد.
دەڵێت: ژیانکردن لە دەوڵەتێکى دیموکراتیدا بەو مانایە دێت کە دان بنێیت بەو راستیەی کە بۆچونەکانمان هەمیشە براوە نابن و دەبێت بەردەوام ئامادەى رادەستکردنى ئاشتیانەى دەسەڵات بین.
ئاماژەى بۆ ئەوەشکردوە کە سەرکەوتن پێویستى بە نیازپاکى و بەزەیی هەیە تەنانەت بۆ ئەو کەسانەش کە لەگەڵیان دژین، هەر بەو جۆرى وڵاتى ئەمەریکا تا ئێرە هاتوەو بەوشێوەیەش بەردەوام دەبین لە بنیاتنانى وڵاتێکى دادپەروەرانەتر و یەکسان و ئازادتر.