وەفدێكی باڵای حكومەتی نوێی سوریا گەیشتنە سعودیە

وەفدێكی باڵای حكومەتی نوێی سوریا بە سەرۆكایەتی وەزیری دەرەوەو بەرگری ئەو وڵاتە گەیشتنە سعودیەو ئەم سەردانەش بەیەكەم سەردانی رەسمی بەرپرسانی نوێی ئیدارەی سوریا دادەندرێت لەدوای روخانی بەشار ئەسەد.
وەفدەكەی سوریا پێكهاتبون لە ئەسعەد شێبانی وەزیری دەرەوەو مەرهەف ئەبو قەسرە وەزیری بەرگری و بەرپرسی دەزگای هەواڵگری سوریا، چونی وەفدەكەی سوریاش بۆ سعودیە لەسەر داوای ریاز بووە.
هاوكات لەسەر سەردانەكە ، وەزیری دەرەوەی سوریا بەمیدیاكانی وتوە، ئەم سەردانە دەبێتە سەرەتای لاپەڕەیەكی نوێ لە پەیوەندییە دوو قۆڵییەكانی نێوان سوریا و سعودیە.
ئەوەش لەكاتێكدایە، پێشتر ئەحمەد شەرع  فەرماندەی ئۆپراسیۆنە سەربازییەکانی سوریا رایگەیاندبوو، سعودیە رۆڵێكی گەورە دەبینێت لە سوریا و لەبونیادنانەوەی وڵاتەكەدا پشتی پێدەبەستن.
شەرع ئاماژەی بەوەشکردبوو:  سەقامگیریی لە سوریا كاریگەریی ئەرێنی لەسەر سعودیە و ناوچەكە دادەنێت.