دەسەڵاتدارانی ئەمریکا رایانگەیاند، ئۆتۆمبێلێکی
جۆری تێسلا لە بەردەم هۆتێلی ترەمپ لە لاس ڤێگاس تەقییەوەو لە ئەنجامدا کەسێک گیانی لەدەستدا و حەوتی دیکە
برینداربوون.
پۆلیس و بەرپرسانی بەڕێوەبەرایەتیی ئاگرکوژێنەوەی
لاس ڤێگاس لە کۆنفرانسێکى رۆژنامەوانیدا رایانگەیاند، کەسێک لەناو ئۆتۆمبێلەکەدا
گیانی لەدەستداوە و کاردەکەن بۆ دەرهێنانەوەی تەرمەکەی.
ئاماژەیان بەوەشکرد، حەوت کەسی دیکە لە نزیک
شوێنی رووداوەکە برینداربوون و گواستراونەتەوە بۆ نەخۆشخانە بە مەبەستی وەرگرتنی
چارەسەر، ئەوەشیان خستەڕوو کە ئۆتۆمبێلەکە لە جۆری "تێسلا سایبەرترەک"
مۆدێلی ساڵی 2024 بووە.
پۆلیسی لاس ڤێگاس دەلێت:، رووداوەکە کاتژمێر سەعات
٨ و چل خولەک بەکاتی ناوخۆیی روویداوە و
ئاگر لە گەراجی وەستانی ئۆتۆمبێلەکانی هۆتێلی نێودەوڵەتی ترەمپ کەوتووەتەوە.
بریکاری تایبەت و بەرپرسی نووسینگەی لێکۆڵینەوەی
فیدراڵیی ئەمریکا 'ئێف بی ئای' لە لاس ڤێگاس وتی، لە ئێستادا تەنیا ئەو
زانیاریانەیان لەبەردەستدایە و دواتر وردەکاریی زیاتر بڵاودەکەنەوە.
Copyright © 2020 Kirkuk Tv All Rights Reserved Designed And Developed By AVESTA GROUP