ئەمریکا داوا لە قەتەڕ دەکات نوسینگەی حەماس لە دەوحە دابخات

ماڵپه‌ڕی ئاکسیۆس لە زاری بەرپرسێکی باڵای ئیدارەی ئەمریکاوە ڕایگەیاندووە، واشنتن، قەتەری ئاگادارکردوەتەوە کە بوونی باره‌گای بزوتنه‌وه‌ی چه‌كداری فه‌ڵه‌ستینی حەماس لە ده‌وحه‌ چیتر قبووڵــکراو نـــییە.
ئەو بەرپرسەی ئیدارەی ئەمریکا بە ڕۆیتەرزی ڕاگەیاندووه‌، ئەمریکا، قەتەری ئاگادارکردووەتەوە کە بوونی حەماس لە دەوحە چیتر قبووڵکراو نییە، دوای ئەوەی بزوتنەوەکە لە ماوەی چەند هەفتەی ڕابردودا دوایین پێشنیازی ڕێککەوتنی سەبارەت بە بارمتەکانی غەززە ڕەتکردەوە.
قەتەر، هاوشانی ئەمریکا و میسر، ڕۆڵی سەرەکییان بینی لە خولەکانی دانوستانی نێوان ئیسرائیل و بزوتنه‌وه‌ی حه‌ماس به‌ڵام تا ئێستا بێ ئەنجام بووە .
دوایین خولی دانوستانەکانیش لە ناوەڕاستی مانگی رابردوودا ئەنجامدرا و نەگەیشتنە ڕێککەوتن. چونکە حەماس پێشنیاری ئاگربەستی کورتخایەنی ڕەتکردەوە.