بەریتانیا ئاماری چوونی کۆچبەرانی نایاسایی بۆ وڵاتەکەی بڵاودەکاتەوە

لە ساڵی رابروودا نزیکەی 37 هەزار کۆچبەر لە رێگەی کەناڵی ئینگلیزەوە پەڕیونەتەوە بۆ بەریتانیا، ئەو ژمارەیەش بەراورد بە ساڵی 2023 زیادیانکردووە.
 فەرمانگەی کۆچبەرانی بەریتانیا ئاماری کۆچبەرانی بڵاوکردەوە و راشیگەیاند، لە ساڵی 2024ـدا، 36 هەزار و 816 کۆچبەر بە بەلەمی بچووک لە رێگەی کەناڵی ئینگلیزەوە پەڕیونەتەوە بۆ بەریتانیا, ئەوەش لە کاتێکدایە، لە ساڵی 2023ـدا 29 هەزار و 437 کۆچبەر و لە ساڵی 2022ـشدا 45 هەزار و 774 کۆچبەر بە کەناڵی ئینگلیزدا پەڕیونەتەوە بۆ بەریتانیا,ئەوەش ئەوە دەردەخات، لە ساڵی 2024 ژمارەی چوونی کۆچبەران بۆ ئەو وڵاتە بەراورد بە ساڵی 2023 زیادیکردووە بەڵام بەراورد بە ساڵی 2022 کەمیکردووە.
بە پێی بڵاو کراوەی نەتەوە یەکگرتوەکانیش بێت، ساڵی 2024 کوشندەترین ساڵ بووە بۆ کۆچبەران لە کەناڵی ئینگلیزدا، ئامارە رەسمیەکانی حکومەتی فەرەنسا دەریدەخەن، لەو ساڵەدا 77 کۆچبەر لە هەوڵی پەڕینەوەدا گیانیان لەدەستداوە ..