هێزەکانی سووریای دیموکرات لە کەمپی هۆلی پارێزگای حەسەکە لە رۆژئاوای کوردستان، هەوڵی هەڵاتنی ژمارەیەک ئەندامی سەر بە داعشیان پوچەڵکردووەتەوە.
هێزەکانی سووریای دیموکرات 'هەسەدە' ڤیدیۆی ساتی پوچەڵکردنەوەی هەوڵی هەڵاتنی ئەندامەکانی داعشی بڵاوکردووەتەوە و ڕایگەیاند: لە ئۆپراسیۆنەکەدا 16 ئەندامی داعشیان دەستگیرکردووە، کە هەوڵی هەڵاتنیان داوەو, دەست بەسەر ژمارەیەکی زۆر لە چەک و تەقەمەنیدا گیراوە.
پوچەڵکردنەوەی ئەم هەوڵەی چەکدارانی داعش لەکاتێکدایە، نزیکەی هەفتەیەکە ئۆپراسیۆنێکی هاوبەشی هەسەدە و هێزەکانی ئاسایشی ناوخۆ بەپشتیوانی هێزەکانی ئەمریکا لە کەمپی هۆل و دەوروبەری دەستیپێکردووە، جگە لەو 16 ئەندامەی داعش کە هەوڵی هەڵاتنیان دابوو، 47 ئەندامی دیکەش دەستگیرکراون.
Copyright © 2020 Kirkuk Tv All Rights Reserved Designed And Developed By AVESTA GROUP