ئه‌مڕۆ پێنچ شەممە ٢١/١١/٢٠٢٤ سەعدی ئەحمەد پیرە ئەندامی مەكتەبی سیاسی و وتەبێژی رەسمی یەكێتیی نیشتیمانیی كوردستان لە شاری ھەولێر پێشوازیکرد لە ئاراکاوا میکیهیرۆ کونسولی ژاپۆن لە هەرێمی كوردستان
لە دیدارێکی نێوان هەردوولادا بارودۆخی سیاسی و ئابوری و سەربازی عیراق و کوردستان و ناوچەکە بەگشتی تاوتوێکرا بەتایبەتیش پرۆسەی سەرژمێری سەرتاسەری لە عێراق كە كاریگەری راستەوخۆی دەبێت لە بەرنامە و پلانە كورتخایەن و درێژخایەنەكانی گەشەپێدانی مرۆیی و بەرچاو روونیەكی گەورە دەبێت بۆ جێنەجێكردنی پڕۆژە خزمەتگوزارییەكان بەسەرجەم كەرت و بوارە جیاوازەكانی ژیان ، سەعدی ئەحمەد پیرە ھیواشی خواست ئاستی پە‌یوە‌ندیە‌كانی نێوان ھە‌رێم و ژاپۆن لە سێكتە‌رە جیاوازە‌كاندا پتە‌وتربكرێت و پێشكەوتنی باشتر و زۆرتر بە‌خۆیە‌وە ببینێت.
دواتر ئاراکاوا میکیهیرۆ کونسولی ژاپۆن لە هەرێمی كوردستان ڕایگەیاند: وێڕای پیرۆزباییكردن لە گەلانی عێراق بەبۆنەی پرۆسەی سەرژمێری گشتی ، هیواشی خواست ئەم هەنگاوە ببێتە بنەمایەك بۆ گەشەسەندن و پێشكەوتنی عێراق بەگشتی و هەرێمی كوردستان بەتایبەتی لە رووی ئابوری و خزمەتگوزارییەوە ، هاوكات تەئكیدی كردەوە كە تۆكیۆ خوازیاری سەقامگیری و ئاشتییە لە ناوچەكە بەگشتی عێراق بەتایبەتی
Copyright © 2020 Kirkuk Tv All Rights Reserved Designed And Developed By AVESTA GROUP