بەهۆی بە ئەلیکترۆنیکردنەوە داهاتی فڕۆکەخانەکانی بەغداد و بەسڕا زیادی کردووە

دوای بەئەلیکترۆنیکردنی کارەکان، داهاتی گومرکی فڕۆکەخانەی بەغدا و بەسڕا بەشێوەیەکی بەرچاو بەرزبووەتەوە، بەشێوەیەک داهاتی فرۆکەخانەی بەغدا نزیکەی 400% و هی  فڕۆکەخانەی بەسڕاش 200% بەرزبوونەتەوە.
لەو بارەیەوە عەمار مــنعم سەرۆکی تیمی فڕۆکەخانەکە دەڵێت پرۆسەی بە ئەلیکترۆنیکردنی فڕۆکەخانەکان هەموو بەسەکانی فڕۆکەخانە دەگرێتەوە، بەڵام زیاتر تیشکیان خستووەتەسەر بەشی دارایی، بۆ ئەوەی ورد و درشتی داهات بزانرێت لەڕێی هەناردەو هاوردەوە.
وتیشی، لەوڕێگەیەوە بازدان لە بەرزبوونەوەی بڕی داهات هەبووە بەتایبەتی ئەوەی پەیوەندی بە بەرهەمەکانی نەوتەوە هەیە، هەروەها بابەتی باج و گومرک کە بەرزبوونەوەیەکی بەرچاویان بەخۆیانەوە بینیوە.
جەختیشیکردەوە، پلانی فراوانترمان بۆ ئەم بابەتە هەیە و لە چەند مانگی داهاتوودا دەردەکەوێت، کە داهاتی گومرکی لە فڕۆکەخانەکان بەرزبووەتەوە.