کازم عەتوانی بەڕێوەبەری فەرمانگەی پەیوەندییە نێودەوڵەتییەکان
لە وەزارەتی کار رایگەیاند، وەزارەتەکەیان لەم ساڵانەی دواییدا سەرکەوتوو بووە لە کەمکردنەوەی
ژمارەی منداڵانی کارکەر، لەو رێگەیەشەوە پشتیوانی کردوون تا بگەڕێنەوە نێو هۆڵەکانی
خوێندن و پەیوەندی بە خوێندگەکانیانەوە بکەنەوە.
راشیگەیاند، لە ساڵی 2019 ـەوە دەستکراوە بە پرۆژەکە
و 825 خوێندکاران گەڕاندووەتەوە و بەشێوەیەکتەنها لە ساڵی 2024دا 152 خوێندکار گەڕێنراونەتەوە کە
بەهۆی خراپی بژێوییان دەستیان لە خوێندن هەڵگرتبوو.
عەتوانی وتیشی، بۆ سەرکەوتنی پرۆسەکە لەسەرتاسەری عێراق
و لە ماوەی پێنج ساڵی رابردوودا 735 خولی راهێنانیان کردووەتەوە بۆ ئەومنداڵانە و دوریان
خستونەتەوە لەکارکردن و گەڕاندونیانەتەوە بۆ خوێندگەکانیان.
بەوتەی ناوبراو وەزارەتەکەیان 4 هەزار و 600 ئاگادارکردنەوەی
داوەتە خاوەنکارەکان لەماوەی ئەو پێنج ساڵەدا کە منداڵان نەخەنە بواری کارکردن لە ژێر
هیچ پاساوێکدا و بۆ ئەو مەبەستەش تەنها لە ساڵی 2024 دا 498 سەردانی مەیدانییان کردووە
و لە دژی خاوەنکارەکان 41 رێککاری یاساییان گرتوەتەبەر.
Copyright © 2020 Kirkuk Tv All Rights Reserved Designed And Developed By AVESTA GROUP