دوای بۆردومانه‌كه‌ی شه‌وی رابردووی هێزه ئاسمانییه‌كانی عێراق بۆسه‌ر مۆڵگه‌یه‌كی تاقمی تیرۆرستی داعش له زنجیره چیای حه‌مرین، ئه‌مڕۆ سوپای عێراق رایگه‌یاند، له‌و بۆردومانه‌دا 5 تیرۆرستی داعش كوژراون و ته‌رمه‌كانیان كه‌تووه‌ته‌ده‌ست هێزه‌كانیان.
شانه‌ی راگه‌یاندنی ئه‌منی له راگه‌یه‌ندراوێكدا ئاماژه‌ی بۆئه‌وه‌كردووه:" دوای ئەوەی شەوی رابردوو لەلایەن فرۆکە جەنگییەکانی سوپای عێراقەوە چەند مۆڵگەیەکی تیرۆرستانی داعش لەزنجیرە چیای حەمرین بۆردوومان کران، بەیانی ئەمرۆ 30 تشرینی دووه‌می 2024 ھێزە ئەمنییەکان گەیشتنە شوێنی بۆردوومانەکەو تەرمی 5 تیرۆرستی داعش کەوتە دەست ھێزە ئەمنییەکان."
باسی له‌وه‌شكردووه:" دوو حه‌شاره‌گه‌ی تیرۆرستان خاپووركراون و ده‌ستیش به‌سه‌ر بڕێك چه‌ك و ته‌قه‌مه‌نیی و ئامێری په‌یوه‌ندییدا گیراوه"
Copyright © 2020 Kirkuk Tv All Rights Reserved Designed And Developed By AVESTA GROUP