وەزارەتی ناوخۆی عیراق: ماهیر ئەسەد لە عێراق نییە

وەزارەتی ناوخۆی عێراق ڕەتیدەکاتەوە ماهیر ئەسەدی برای بەشار ئەسەد لە عێراق بێت.

عەمید میقداد میری وتەبێژی وەزارەتی ناوخۆ بە ئاژانسی هەواڵی عێراقی (واع)ی راگەیاند؛ سەرجەم ئەو هەواڵانەی لە تۆڕە کۆمەڵایەتییەکان بڵاودەکرێنەوە سەبارەت بەوەی ماهیر ئەسەد، برای سەرۆکی پێشووی سووریا بەشار ئەسەد لەناو خاکی عێراقدایە، دوورن لە ڕاستییەوە.

داواش لە دەزگاکانی راگەیاندن دەکات بە وردیـی ئاگاداربن لە گواستنەوەی هەواڵەکان لە سەرچاوە ڕەسمییەکانەوە.

ئەوە لە کاتێکدایە، ماوەی چەند رۆژێکە میدیا عەرەبی و ناوخۆییەکان باس لە هەڵاتنی ماهیر ئەسەد دەکەن بۆ ناو خاکی عێراق و بە دیاریکراویش هەرێمی کوردستان.