رۆدریگۆى بەرازیلى ئۆفەرێکى سەرنجراکێشى رەتکردۆتەوە

رۆدریگۆى تەمەن 23 ساڵان و یاریزانى یانەى ریاڵ مەدرید، بە رەتکردنەوەى ئۆفەرێکى زەبەلاحى یانەیەکى پریمەرلیگ هەمووان شۆک دەکات و دەبێتە باسى گەرمى رۆژنامە و میدیا جیهانییەکان.
تۆڕى هەواڵى ریلیڤیۆ، هەواڵێکى سەبارەت بە رۆدریگۆ سێلڤاى بەرازیلى بڵاوکردۆتەوە، کە دەڵێت: پیپ گواردیۆلاى راهێنەرى یانەى مانچێستەر سیتى، سەرسامى خۆى بە تواناکانى یاریزانەکە دەربڕیوە و بە ئایدیاڵێکى گونجاوی دەزانێت بۆ کێشەکانى پێکهاتەکەى، هەر بۆیە داواى لە ئیدارەى یانەکەى کردوە یاریزانەکە بگوازنەوە ریزەکانى مانچێستەرى شین.
لە هەواڵەکەى تۆڕى ریلیڤیۆ باس لەوەش کراوە: هەر لە ژێر رۆشناى داواکەى گواردیۆلاى فەیلەسوف، ئیدارەى یانە ئینگلیزیەکە ئۆفەرێکی زەبەلاح و سەرنجراکێشیان پێشکەش بە یاریزانەکە کردوە، بەڵام رۆدریگۆى هێرشبەر ئۆفەرەکەى رەتکردۆتەوە و نایەوێ پەیوەندى بە یانەکەوە بکات،  کە ئۆفەرەکە بە زیاتر لە 200 ملیۆن یۆرۆ مەزەندە دەکرێت.
رۆدریگۆى بەرازیلى، لە ساڵى 2019، لە ریزەکانى ریاڵ مەدرید کاستیاوە، بانگهێشتى تیپی یەکەم کرا، زۆر بە ناوازەى دەرکەوت، بەڵام لە ماوەکانى رابردوودا، هەستى بە دڵتەنگیەکى زۆر کرد، پێی وابوو بەهۆى چەند یاریزانێکەوە، دەرفەتى زۆرى پێ نابەخشرێ و ئەمەش کاریگەرى لەسەر دەروونى دروست کردبوو.